Секоја година во светот илјадници лица добиваат камења во бубрезите, само поради тоа што не пијат доволно вода, сметаат стручњаците.
Баскар Сомани, лекар во Општата болница во Сауттемптон тврди дека недостатокот на свесноста за опасноста која со себе ја носи дехидрацијата, е всушност одговорна за зголемување на бројот на пациенти кои имаат камења во бубрезите, вклучувајќи и млади во 20. години.
“Бројот на лица кои се примени во болница поради болка во бубрезите предизвикана од појавата на бубрежни камења, се зголемува секоја година помеѓу 5 и 10%“, вели лекарот.
Камењата во бубрезите се создаваат кога кристали на солта се собираат во грутки и не се исфрлаат од телото, поради недостаток на соодветна хидратација, а често се создаваат во уринарните канали. Поради тоа, кај пациентите често се јавува силна болка во стомакот и во препоните, а во многу слуачи, неизбежна е операција.
Д-р Сомани советува возрасните лица дневно да пијат два до три литра вода, а оние кои веќе имале камења во бубрезите, да се потрудат таа количина да биде уште поголема.
