Австралискиот портал news.com пренесува дека две лица починале откако се заразиле со бактеријата листерија, која ја добиле јадејќи чаден лосос. Труењето со бактеријата листерија на почетокот дава симптоми на грип. Заразениот човек има температура, болки во мускулите, мачнини, а понекогаш и дијареја. Симптомите на заразата можат да се појават и после неколку дена од консумацијата на контаминирана храна.
Со оглед на тоа дека труењето било предизвикано од сиров лосос, од Одделението за здравје препорачуваат да се зголеми контролата на храната која може да ги зарази луѓето со бактеријата листерија, а меѓу која спаѓаат школките, сушито, лососот, ракчињата…
Намирници кои можат да бидат заразени од оваа бактерија се: ладни јадења од месо, паштети, ладно готвено пилешко, меки сирења и спакувани салати.
Листеријата е особено опасна за трудниците и штотуку родените деца, како и луѓето со слаб имунитет.
