Иако се е поголем бројот на лица кои се вакцинираат или веќе се имунизирале, некои луѓе го задржаа ставот дека не сакаат да им се придружат на повеќето, дури и откако во одредени земји, држвата нуди награди, па дури и милиони долари, а дури и бесплатно пиво.
Стручњаците во Англија се обидуваат да пронајдат начин како да ја победат неодлучноста кај луѓето, па ги советуваат лекарите и болниците да користат совети кои на англиски се нарекуваат “5С“ и кои може да помогнат при правилно донесување на одлуката.
Д-р Мохамад Разаи од Лондон смета дека ваквиот пристап може да помогне:
“Се работи за прашалник кој лекарот би требало да му го претстави на пациентот за да се идентификуваат нејаснотиите и дополнително да го објасни својот стручен став“, додава тој.
ЕВЕ ШТО СОДРЖИ ТОЈ “5С“ ПРАШАЛНИК
- ДОВЕРБА
Потребно е да се започне со токму ова прашање со цел луѓето да стекнат доверба во безбедноста и ефикасноста на вакцините. Неодамнешните извештаи за вакцината АстраЗенека и Џонсон и Џонсон може да бидат причина за создадената недоверба.
- УДОБНОСТ
Разаи и колегите ја дефинираат отпорноста кон вакцините како одложување на прифаќањето или одбивање на заштита, без оглед на достапноста на вакцините. Некои истакнуваат дека причината за ваквиот став и мислење е дека на тоа лице нема да му се случи тешка форма на болест или дека успешно ќе ја избегне инфекцијата, а особено се однесува на младите и на луѓето со понизок економски статус. Со оглед дека вакцината сега се најавува и за деца, важно е да се разговара за ваквиот став.
- ПОДОБНОСТ
Доколку вакцината се нуди на подобен начин, можеби отпорноста кон неа ќе исчезне. Важно е заштитата да се понуди на достапни места и удобно окружување. Премер е вакцината против грип, која може да се прими во училиштата во САД, со што бил зголемен бројот на вакцинирани лица. Една студија покажала дека повеќе луѓе пристапиле кон вакцинација кога таа се нудела во домовите за здравје и аптеките.
- КОМУНИКАЦИЈА
Оваа стратегија вклучува комуникација со која ќе се разјаснат нејасните работи. Разаи напоменува дека едностраната комуникација, без поединецот да се вклучи во дијалогот, сигурно нема да помогне никому да верува во вакцината. “Важно е да се спздаде дијалог и да се ислуша што тоа лице го мачи“, додава тој. Неточните информации или погрешно интерпретираните информации може да додадат повеќе анксиозност на целата оваа ситуација.
- КОНТЕКСТ
Петто правило е се да се стави во контекст. Разаи смера дека факторите како занимањето и социоекономскиот статус, често се превидуваат кога се повикува на вакцинација. Термините кои ги опишуваат нечие вработување или раса во контекст на вакцинирањето, не е добар пристап и за тоа треба да се размисли. Повеќето анализи за прифаќањето на вакцината се прават во земјите кои се богати, а како резултат се создадени малку стратеги за лицата кои имаат пониски примања.
