Според студијата на група истражувачи од Универзитетот во Оксфорд, бучната атмосфера би може да ја подобри нашата продуктивност и креативност. Британските научници, имено, утврдиле дека умерената бучава која ја сретнуваме по кафулињата и рестораните го стимулира мозокот.
Резултатите од нивното истражување покажале дека бучавата со јачина од околу 70 децибели ја поттикнува продуктивноста повеќе отколку ниското ниво на бучавост (околу 50 децибели) која, како пример, ја сретнуваме во библиотеките. Одделни апликации (на пример, Coffitivity и Noisli) се засноваат токму на истражувањата од овој тип, а со нивна помош можете и сами, во удобноста на својот дом, да проверите дали навистина подобро и побрзо ги завршувате работните обврски ако во позадината се слуша вревата од некое далечно кафуле.
