Предменструалниот синдром(ПМС) е добро позната појава од која страдаат повеќе од 70 отсто од жените во светот. Зголемен апетит, акни, раздразливост, нерасположение и умор се само некои од симптомите на ПМС. Најчесто се јавуваат пред почетокот на менструацијата, а можат да траат до седум до десет дена. Кај некои жени се повеќе, а кај некои помалку изразени.
Иако се работи за безопасна состојба, која поминува сама од себе, сепак за некои жени овој период е вистинско мачење. Повеќето се прејадуваат со нездрава храна, која може уште повеќе да им ја влоши состојбата. За среќа, постојат здрави намирници кои можат всушност да помогнат.
Авокадо
Ако надуеност, желбата за нездрава храна и грчеви во долниот дел од стомакот се симптомите на ПМС, тогаш авокадото може да помогне. Тоа содржи здрави маснотии и калиум кои делуваат како природен диуретик, кој го поттикнува исфрлањето на вишокот течности и натриум од телото.
Темно чоколадо
Ако сакате слатко, ќе ве развесели фактот дека всушност црното чоколадо помага кај симптомите на ПМС. Изобилува со магнезиум кој помага за грчеви и главоболки, а содржи и антиоксиданси.
Ореви
Оревите изобилуваат со влакна кои поволно делуваат на дигестивниот систем, а содржат и здрави маснотии кои делуваат против воспаленија. Освен тоа содржат и аминокиселини кои позитивно влијаат на расположението.
Ѓумбир
Ако во ПМС чувствувате мачнини, тогаш ѓумбирот е лек. Овој корен е една од најлековитите намирници кои се решение за многу тегоби. Влијае на дигестијата, богат е со витамини и антиоксиданси.
Сардина и лосос
Зголемениот внес на витаминот Д и калциумот помага при симптомите на ПМС, а рибите како сардина и лосос изобилуват со овие хранливи состојки. Содржат и Омега 3 масни киселини кои помагаат при надуеност, главоболка, депресија и друго.
