Одморени дочекајте го новото утро

Несоницата е најчесто, но не и единствено пореметување на спиењето. Стрес, емотивни проблеми, некоја болест, земање лекови, но и хигиената на сонот – сето тоа влијае на квалитетот на сон. Сонот е исклучително важен, бидејќи во текот на спиењето се лачи хормонот за раст кој е потребен за обнова на клетките, како и хормонот одговорен за одбранбените функции на нашиот организам.

Според некои информации, дури 30 % од лицата со хорнична несоница земаат лекови без препорака на лекар, не размислувајќи на тоа дека неконтролираната примена на лекарства може само да го  влоши проблемот, бидејќи со тек на време се јавува толеранција на лекот. Лекарите предупредуваат дека лековите против несоница предизвикуваат зависност во рок од само 10 дена. Затоа изборот на билни додатоци, како мелатонинот или глогот, валеријанта, пасифлората…, е поедноставно решение кое не влијае лошо врз здравјето. Причината за дневен замор или поспаност, што е последица на несоница, сепак најчесто треба да ја бараме во некои лоши или погрешни навики кои ги практикуваме пред спиење.

Нервните клетки во кората на мозкот се одмораат единствено додека спиеме. Сонот влијае на чувството на задоволство, на помнење, на концентрација…

Пиењето алкохол во доцните вечерни часови, физичката активност, како и консумирањето на тешка храна, но и дремењето во текот на денот, секако, и хигиената на спиење (пред се, удобноста на креветот, температурата во собата и проветреноста) се фактори кои влијаат на квалитетот на сонот. Најчесто виновниците во теорија е најлесно да се елиминираат. Сепак, во пракса тоа е потешко отколку што сакаме. Но ако знаеме дека цената која ја плаќаме е намалената концентрација, заморот, раздразнетоста, лошите односи со другите, па здравјето… време е да почнеме да ги менуваме своите навики.