Ако некогаш сте почувствувале како да сте ставиле во устата метална паричка, ништо чудно. Металниот вкус во устата е нарушување познато како дисгезија. Може да се појави одеднаш или да се развива во текот на одреден период. Во продолжение, девет причини поради кои може да се соочите со овој проблем.
Употреба на некои видови лекови
Антибиотиците (вклучувајќи тетрациклин и амоксицилин), литиум (кој се користи за лекување на психијатриски нарушувања), одредени лекови за срце, како и лекови за гихт и камења во бубрезите, антихистаминици, обично се причина за појава на метален вкус во устата. „Некои лекови влијаат на намалување на производството на плунка, па луѓето кои ги земаат имаат чувство на сувост во устата. Други, пак, видови на лекови содржат метали, кои се излачуваат преку плунката и можат да предизвикаат метален вкус во устата“, објаснил д-р Самер Ален, семеен лекар во клиниката Мајо.
Витамини и минерали
Освен лековите, и додатоците во исхраната кои содржат метали како бакар, цинк или хром може да предизвикаат метален вкус во устата, исто како и препарати на база на железо и калциум. „Мултивитамините може да содржат висок процент на метали што може да предизвика појава на метален вкус. Исто така, и витамините за бремени жени, кои содржат високи дози на цинк, калциум и железо го предизвикуваат истото“, вели д-р Доналд Форд, семеен лекар во клиниката во Кливленд.
Многу штетни состојки, кои се содржани во цигарите го менуваат сетилото за вкус, што може да предизвика метален или блуткав вкус
Лоша орална хигиена
Прескокнување на миење на забите, освен лош здив, може да доведе и до гингивитис и пародентоза. „Со присуство на инфекција, протокот на крв на јазикот може да биде намален, пупките за вкус може да бидат блокирани, а количината на плунка да се намали, што резултира со промена на вкусот во устата“, објаснил д-р Ален.
Проблеми со дишните патишта
Запушениот нос може да биде причина за металниот вкус во устата. „Сетилото за вкус е поврзано и со сетилото за мирис, па ако дојде до нарушување на сетилото за мирис, ќе се развие нарушување на вкусот. Проблемите со синуси се честа причина за метален вкус во устата, а најчесто се предизвикани од инфекции на горните дишни патишта, како што се настинка и алергии“, вели д-р Форд.
Зрачењето и хемотерапијата можат да го променат чувството за вкус
Траума на главата
„Траума на главата може да предизвика директна повреда на нервите кои го контролираат чувството за вкус и мирис. Секоја промена на овие нерви може да создаде трајни промени во перцепцијата на вкус. Невролошките болести како што се мултиплекс склероза и Белова парализа, исто така, може да влијаат на чувството за вкус, со оглед на тоа дека го погодуваат централниот нервен систем“, објаснува д-р Форд за „Prevention.com“.
Хемотерапија
Зрачењето и хемотерапијата можат да го променат чувството за вкус. Ова се случува кога лекот се инјектира во крвотокот и стигнува и во плунката.
Пушење
Уште една причина поради која би требало да се откажете од пушењето е засилување на чувството за вкус. Многу штетни состојки, кои се содржани во цигарите го менуваат сетилото за вкус, што може да предизвика метален или блуткав вкус. Една студија од 2014 открила дека на пушачите им треба повеќе време за да препознаат одредени вкусови, особено горчливи.
Рефлукс на желудочна киселина
„Кога желудочната киселина ќе стаса до устата може да ги оштети пупките за вкус и да предизвика метален вкус во устата“, вели д-р Ален.
Бременост
Еден од најчестите рани знаци на бременост е ненадејната аверзија кон одредена храна. Покрај многу други промени се менува и хормоналниот статус, што може да предизвика промена на вкусот, па некои трудници имаат чувство како во уста да имаат железни парички.
