Предменструалниот синдром ПМС не мора да биде неизбежен – одделни промени во исхраната можат да ги држат под контрола непријатните симптоми. За почеток општа препорака е да се ограничи внесувањето на намирници богати со сол, како и шеќер, а се препорачува и контрола на консумирањето на кофеински и алкохолни пијалаци.
Од друга страна, се препорачува внесот на намирници богати со одредени нутритиенти кои можат да помогнат кај симптомите на ПМС – бананите, на пример, се богати со калиум и магнезиум кои ги ублажуваат грчевите.
Исто така, семките од сончоглед и тиква претставуваат одлични извори на магнезиум и витамин Б6 кои освен што ја намалуваат напнатоста помагаат и во стабилизирање на расположението. Кај променливото расположение помагаат и омега-3 масните киселини со кои е богата морската риба (скуша, сардина, лосос), како и маслиновото масло и лененото и чија семето.
Одлична алтернатива за вообичаените рафинирани слатки е црното чоколадо, кое истовремено ќе помогне и кај умор и лошо расположение и ќе го снабди организмот со антиоксиданти, железо, магнезиум и калиум. Се препорачува консумација и на спанаќ, кој претставува добар извор на калциум, железо и други минерли, како и витамини од Б-комплексот и витамин А, кои благотворно делуваат на здравјето на кожата и помагаат во превенцијата од акни кои, исто така, може да бидат придружен симптом на ПМС.
