Децата со умерени до тешки егзацербации на астма, кои, исто така, биле заразени со респираторни вируси, особено со респираторниот синцицијален вирус, вирусот на инфлуенца и вирусот на параинфлуенца, се изложени на поголем ризик дека нема добро да реагираат на терапијата за астма, покажала новата студија.
Децата со умерени до тешки егзацербации на астма би требало да имаат поинаков третман и контрола
Инаку, околу 60 до 80 проценти од егзацербациите на астмата се предизвикана од респираторни патогени, но досега не беше познато точно кои патогени го предизвикуваат наведениот проблем.
Интересно е тоа што 61,7 проценти од децата кои учествувале во истражувањето биле позитивни на најмалку еден респираторен вирус, а заразеноста со риновирус била најраспространета. Инаку, риновирусот предизвикува обична настинка.
Исто така, треба да се спомене дека 16,9 проценти од децата, како последица на инфекција со респираторни вируси имале неуспешно лекување. Но треба да се истакне дека децата кои биле позитивни на риновирус, немале зголемен ризик од неуспех на лекувањето, пишува „Pediatrics “.
