Како и кај секоја хигиена на усната шуплина, и при носењето на фиксна протеза, препорачливо е да се практикува чистење со мека четка за заби. Електричните четки можеби се полесни за користење, но не се препорачуваат. Покрај четката може да се дадат и други препарати кои ќе ја олеснат хигиената на забите.
Обрнете внимание на одредени места
Во устата постојат места на кои треба посебно да се внимава. Станува збор за рабовите меѓу забите и непцата, просторот меѓу забите, како и местото кое се ноаѓа меѓу желевцата од протезите. Работ меѓу забите и непцата секогаш е место за воспаленија. Поради желевцата на фиксната протеза, чистењето околу тие места често е отежнато, па затоа обрнете внимание. За чистење на просторот меѓу забите користете тенки четки кои ќе продрат и во најтесните делови. Бидејќи воспалението на непцата се предизвикува токму од тие тешко достапни места, потребно е редовно да ги остранувате бактериските наслаги од овие скриени места. Ако тоа не го правите, се зголемува ризикот од создавање кариес во просторот меѓу забите. За да избегнете инфекции и воспаленија, редовно плакнете ја устата со чај од глуварче.
Што треба да избегнувате?
Фиксните протези не претставуваат никаква бариера во секојднената исхрана, па во принцип може да јадете се. Веднаш по поставување на фиксната протеза,треба да се јаде помека храна, но откако ќе се привикнете на протезата, може да јадете се. Но, сепак, обидете се да избегнувате леплива храна како карамели, бидејќи не е добро да ви се залепи на протезата.
ПРАВИЛА НА ОДНЕСУВАЊЕ
- Задолжително е одење на контрола на секои 3 недели
- Одржување на орална хигиена и хигиена на протезата со помеки четки и со водички за плакнење
- Да внимавате како јадете. Значи дозволена е секаква храна, но внимавајте – избегнувајте гризење. Храната сечкајте на помали парчиња
- Боцкање во образите каде што се желевцата е нормално, па се препорачува ставање восок на желевцата за да не се направат рани
