Анализа на 79 студии повразни со КОВИД-19 покажала дека само околу 20 проценти од лицата заразени со SARS-CoV-2 немале симптоми додека биле заразени со новиот коронавирус. Се смета дека овие резултати ги поддржуваат мерките за заштита кои се превземаат со цел да се спречи понатамошно ширење на болеста КОВИД-19.
Имено, се смета дека носењето заштитни маски за лице, социјалното дистанцирање, миењето раце и избегнувањето гужви, може да помогнат во ублажување на ширењето на новиот коронавирус.
Иако се работи за 20 проценти, се смета дека и натаму тоа е голема бројка на луѓе, па затоа треба и понатаму да се носат заштитни маски за лице за да се спречи лицата кои имаат асимптоматска инфекција да ја шират на други лица, особено на јавни места.
Вистинскиот одговор на тоа колкав број на луѓе немаат симптоми кога се заболени со КОВИД-19 ќе се добие кога во праксата се спроведуваат многу поголем број на тестирања на новиот коронавирус, заклучуваат стручњаците.
