Вакцините против КОВИД-19 кои ги развија Фајзер/Бионтек и АстраЗенека општо се ефиксани против делта и капа варијантата на коронавирусот, кои прв пат беа идентификувани во Индија, покажало ново научно истражување.
Истражување на научниците од Универзитетот Оксфорд, објавено во списанието Cell, ја утврдувало способноста на антителата во крвта на лицата кои примиле две дози вакцина да ги неутрализираат многу заразните делта и капа варијанти, се наведува во истражувањето.
“Нема докази за голем вирусно имунолошко бегство, што сугерира дека денешната генерација вакцини ќе пружаат заштита против В.1.617 вирусните варијанти“, се истакнува во истражувањето. Се работи за варијантите делта и капа кои прв пат се идентификувани во Индија.
Но, концентрацијата на неутрализирачки антитела во крвта била нешто помала, што би можело да доведе до одреден број на инфекции, предупредуваат научниците.
Минатата недела, анализата на Агенцијата за јавно здравје на Англија покажа дела вакцините кои ги произведуваат Фајзер и АстраЗенека нудат висока заштита од над 90 проценти од хоспитализација од делта варијантата на коронавирусот.
Според Светската здравствена организација, делта варијанатата станува глобално доминантна варијанта на коронавирусот.
Научниците од Оксфорд исто така ја анализирале и зачестеноста на реинфекции кај луѓето кои прележале КОВИД-19.
Ризикот од повторна инфекција со делта варијантата се покажал како особено висок кај лицата заразени со бета и гама варијантите, кои се појавија во Бразил.
