Според астролозите, секој знак од зодијакот има одредени прехранбени навики, свој специфичен начин на подготовка на храната и различни склоности кон одредени типови на храна. Додека едни преферираат традиционални јадења, други сакат да експериментираат со егзотична кујна, трети буквално ќе јадат било што.
Овен
Овните сакаат зачинета, лута храна, која дава енергија. Тие немаат време за долги и лесни оброци бидејќи постојано се зафатени и имаат лоша навика да јадат брзо за да не трошат многу време. Избираат калорична храна која им одговара на нивната динамична природа. Овните имаат добар апетит, сакаат да експериментираат и бираат исхрана богата со протеини. Здравствените проблеми со кои се соочуваат Овните се појавуваат токму поради начинот на исхрана.
Бик
Биковите се вистински гастрономи. Имаат огромен апетит и знаат како да уживаат во храната. Без оглед на тоа што јадат, потребно им е храната да ги разбуди сите нивни сетила и не штедат на квалитет. Диетата за нив е тортура, а готвењето вистинско задоволство. Најголем предизвик е да го намалат уживањето во храната, бидејќи тоа често им носи проблеми со тежината и разни здравствени тегоби.
Близнаци
Близнаците спаѓаат во оние луѓе кои речиси никогаш немаат проблеми со телесната тежина. За нив квалитетен разговор за време на ручекот е поважен од храната која ја јадат и уживаат во добро друштво за време на оброкот. За нив најдобра храна е разновидната, а најголем проблем за организмот е всушност недостаток на рутина. Доколку понекогаш прескокнат оброк, тоа нема да влијае на нивното здраје, но може да се појават проблеми, ако тоа се случува често. Се смета дека Близнаците имаат најмали шанси да заболат од некоја болест која се појавува заради нездрава храна.
Рак
Раковите се познати по своите кулинарски способности. Сакаат домашната храна. Секогаш купуваат скапи и квалитетни намирници. Не сакаат да ја делат храната и најчесто се прејадуваат. Не се грижат премногу за своето здравје, особено кога се нервозни и исплашени. Поради чувствителниот стомак, постојано треба да го контролираат својот апетит.
Лав
Лавовите обожуваат скапа храна направена од најквалитетни состојки. Сакаат да јадат во друштво и често остануваат со еден обилен оброк во текот на денот. Нивниот стомак е генерално отпорен, но нивното срце страда кога не внесуваат доволно витамини.
Девица
Девиците имаат чувствителен стомак и мора да внимаат што јадат. Девицата е единствениот знак кој може да биде на диета без никаква борба со искушенијата. Бавниот метаболизам е уште еден проблем, па треба да внесуваат многу свежо овошје и зеленчук за да го поттикнат варењето. Мразат да фрлаат храна, па така често готват нешто користејќи ги заостанатите состојки во фрижидерот.
(Продолжува)
