Менструалните болки се нешто со што се среќава секоја трета жена во текот на својот живот. Тогаш е најдобро да се јаде храна богата со јаглехидрати. Место да изедете големи количества сладолед, чоколадо, колачи, направете си вкусен сендвич со омлет од јајца. Интегралниот леб и омлетот од свежи јајца се подобар избор од слатките затоа што урамнотежено го поткреваат нивото на шеќер во крвта и создаваат ситост на поздрав начин. Се препорачува и храна богата со триптофани како јајца, семки од сончоглед, мисиркино месо.
Комбинирањето на намирници со јајца може да влијае и на менталните способности
Јајцата од кокошка можат да се јадат живи, бланширани, средно или тврдо варени, пржени на масло или од нив да се направи омлет. Доколку водите сметка за комбинирањето на јајцата со другите намирници во голема мера може да влијаете на подобрувањето на расположението, интелектуалните способности, вниманието, па дури и сексуалната желба.
Богати се со витамин Д кој ги зајакнува нашите коски и заби. Јајцата се и одличен извор на витамин А, Е и К. Извор се на витамини од Б комплексот, односно Б2, Б6, Б12 и помали количества на Б1. Во нив нема витамин Ц, но, секако, им се препорачуваат на трудниците затоа што содржат фолна киселина и ниацин.
