Се работи за таканаречената гешталт психологија која се темели на разликите на целината и нејзините составни делови.
Што прво забележавте на оваа илустрација?
Дрво
Тоа покажува дека во својот живот се потпирате на разумот и логиката. Тоа е позитивен став кој ве прави роден водач. Способни сте да ги организирате и водите луѓето околу себе. На многумина сте им инспирација и луѓето со задоволство ве следат. Надарени сте да решавате комплицирани проблеми и да ги средувате недоразбирањата. Сепак, понекогаш морате да се опуштите, затоа што малку одмор не значи дека нема да дојдете до целта, токму спротивното. Исто така, сосема е во ред понекогаш и да се згреши, но од тоа треба и нешто да се научи.
Мајмун
За вас може да се каже дека сте мошне критични и кон себе и кон другите. Очекувате сите околу вас да напредуваат со вашата брзина, да се трудат исто колку и вие… Сакате да делите совети и свои мислења, и дури и да им ги наметнувате на другите. Умеете да бидете мошне тврдоглави. За вас чувството за губење време е кошмар, па тоа е причина зошто секогаш си наоѓате некоја работа, па макар тоа понекогаш баш и да нема премногу смисла. Преполни сте со добри идеи и зрачите со интелигенција заради која луѓето понекогаш и не ве разбираат.
Лав
Тоа што прво забележавте лав покажува дека од вас зрачи моќ и дека сте склони често да ги следите своите инстинкти. На другите тоа може да им изгледа по малку диво, а со тој став понекогаш може да ги повредите луѓето околу себе. Мошне сте решителни и напорно работите – со тоа докажувате дека сте човек кој треба да се има во близина. Кога ќе одредите некоја цел, одите кон неа без оглед на сè. Не сте склони да примате совети од другите, дури ни од блиските кои искрено се грижат за вас. Би требало да сфатите дека понекогаш треба да им се дозволи на другите да ви помогнат, животот така ќе ви биде полесен. Тимската работа и тоа како е важна за успех.
Риби
Премногу не се грижите околу тоа што ќе биде утре, ниту со она што било вчера. Живеете за сегашниот момент и оптимистично верувате дека сè ќе биде добро. Се разбира, дека секогаш не излегува сè добро, но се обидувате да не создавате омраза кон некому и на луѓето гледате како на важни карики во вашиот живот. Мошне сте љубезни што некои луѓе знаат да го искористат, па би требало да бидете малку повнимателни.
