Глобалната пандемија со болеста КОВИД-19, предизвикана од коронавирусот има сериозно влијание на многу луѓе, вклучувајќи ги болните од рак, но и нивните семејства и оние кои се грижат за нив.
Здравствените работници и натаму ја нагласуваат важноста за останувањето дома и одржувањето на социјална дистанца (држење растојание од најмалку два метра), како и носењето мањски и визири за лице ако треба да излезете на работа или да пазарувате, каде ќе бидете во близина на други луѓе.
Болните од рак се меѓу оние кои се под висок ризик од заболување од тешки форми на инфекцијата, бидејќи нивниот имун систем во поголема или помала мера е ослабен од карциномот и неговото лекување.
Повеќето кои се лекувале од рак во минатото (особено ако тоа било пред повеќе години), веројатно ќе имаат нормална имунолошка функција, но секоја личност е различна. Важно е сите заболени од рак или излекувани, и без разлика дали во моментов се на лекување или не, да разговараат со лекар кој ја разбира нивната ситуација и историја на болеста.
Исто така, важно е и пациентите и оние кои се грижат за нив ги превземат сите мерки на претпазливост како би го намалиле ризикот од добивање на КОВИД-19.
МАСКИТЕ СЕ ЗАДОЛЖИТЕЛНИ
За голем број пациенти кои се лекуваат од рак, особено за болните на хемотерапија или болните по трансплантација на матични клетки (коскена срж) кои имаат ослабен имунолошки систем, задолжително се препорачува носење маска, како би се намалила изложеноста на само на вируси, туку и на бактерии кои би можеле да предизвикаат инфекции.
ШТО УШТЕ МОРААТ ДА ЗНААТ ЗАБОЛЕНИТЕ ОД РАК ЗА КОРОНАВИРУСОТ?
Болеста КОВИД-19 и натаму е нова, така што лекарите немаат многу конкретни податоци за тоа како коронавирусот влијае на заболените од карцином. Но, знаејќи дека секоја инфекција дополнително ги загрозува пациентите болни од рак, сигурни сме дека треба да се чуваат од секоја, па така и од инфекцијата од коронавирус.
Може ли да се добие КОВИД-19 од трансфузија на крв? Нема докази дека овој нов коронавирус може да се пренесе преку трансфузија на крв.
