Опаѓањето на веѓите е симптом за сериозни состојби

Веѓите не се само визуелен додаток на лицето, туку спречуваат влегување на потта од челото во очите.

Густината на веѓите може да се промени нагло или постепено, што е предизвикано од различни козметички манипулации, дерматолошки болести и нутритивен дефицит.

  • Од козметичките процедури, веѓите може да се оштетат од претерано и пречесто кубење со пинцета, бидејќи коренот механички се оштетува, па веѓата станува проретчена и тенка.
  • По напнатост и стрес, одредени лица несвесно ги гребат или постојано ги кубат веѓите и со тоа ги прават ретки и ги оштетуваат.

Но, одредени кожни болести може да бидат причина за опаѓање на веѓите, како што се: алопеција, атописки дерматитис, псоријаза, контактен дерматитис и габични инфекции.

Од козметичките процедури, веѓите може да се оштетат од претерано и пречесто кубење со пинцета, бидејќи коренот механички се оштетува.

Кај лицата кои имаат атописки дерматитис веѓите може да бидат зафатени со црвенило, а подоцна и со опаѓање. При псоријаза, како хронична болест кога кожата е црвена и се лупи, може да настане оштетување на коренот на веѓите. Во неколку форми на алопеција, може да бидат зафатени и веѓите. При алопеција areata кога косата опаѓа во кругови, со опаѓање може да бидат зафатени и веѓите; алопеција universalis или totalis во целост опаѓа косата и сите влакна по телото, па и веѓите; алопеција frontalis fibrotica се појавуваат промени како лузни на работ на влакното со опаѓање на косата и на веѓите.

  • Одреден нутритивен дефицит како недостаток на железо, на витамин Ц, цинк, биотин, Б12, Д, Е и омега-3 масни киселини може да предизвика проретченост и опаѓање на веѓите.
  • Хормоналните промени делуваат и на веѓите, па недостатокот на хормони на штитната жлезда, многу често предизвикува опаѓање на веѓите.

За лекувањето на оваа состојба, мора прво да се открие причината и да се постави точна диганоза, бидејќи причините може да бидат различни. Според причината се одредува и лекувањето.