Дебелината го зголемува ризикот од смрт од КОВИД-19 за 48 проценти и може да ја намали ефикасноста на вакцината против оваа болест, покажале резултатите од истражување во кое се користени податоци собрани од цел свет.
Метаистражувањето на податоците од испитаници со индекс на телесна маса (body mass index, BMI) поголем од 30, заеднички го спровеле Универзитетот North Carolina, Саудискиот здравствен совет и Светска банка.
Се покажало дека лицата со прекумерна телесна тежина имаат за 113 проценти поголем ризик за хоспитализација, 74 отсто поголеми шанси дека ќе завршат на оддел за интензвина нега и 48 проценти поголема можност за смртен исход како последица од делувањето на вирусот.
Професот Бери Попкин, кој го предводел истражувањето е шокиран од резултатите, бидејќи нивото на ризик за обезните лица се покажало значително повисоко отколку што порано се сметало. Тој го нарече застрашувачко, но укажа и на тоа дека ризикот од хоспитализација е двојно поголем од досегашните проценки.
ПРЕКУМЕРНАТА ТЕЛЕСНА ТЕЖИНА И ВООБИЧЕНО Е ЗДРАВСТВЕН РИЗИК
Обезните лица често имаат други здравсрвени проблеми, како срцеви болести и дијабетес, поради што се во ризична група за коронавирусот. Дебелината, исто така може да причина за метаболички промени, како отпорност на инсулин и воспаленија поради што на организмот му е потешко да се справува со инфекции, а склони се и кон апнеа во сон, што ги оптоварува белите дробови.
Што се однесува до вакцината, таа може да има послаб ефект кај обезните лица, како што било случај со вакцината против САРС и птичји грип.
