Прескокнување појадок
Постои причина зошто појадокот се смета за најважен оброк во денот. Прескокнувањето на истиот може да резултира со ниско ниво на шеќер во крвта што го оштетува мозокот, особено ако тоа често се повторува. Мозокот троши повеќе енергија од било кој друг орган во телото и дневно црпи и до 20% од вкупно достапната глукоза од органзимот.
Околу две третини од “енергетскиот буџет“ на мозокот се користат за помош на невроните кои испуштаат сигнали до остатокот од телото. Преостаната една третина е наменета за одржување и нега на клетките. Ако редовно си ја ускратувате храната која му е потребна на мозокот, предизвикувате недостаток во тој енергетски буџет и мозокот почнува да “отапува“ на надворешни надразби.
Недоволно сон
Сигурно повеќепати сте доживеале чувство на тромост и заборавеност, еден ден откако не сте се наспале. Тоа се должи на недоволната количина на сон што им ја одзема на невроните способноста за правилно функционирање, што пак доведуда до ментална затапеност и пропусти кои може да влијаат на вашата работа и односи. Но, и сетилата и рефлексите се намалени.
Хроничната ненаспаност, на организмот може да направи овие ефекти да останат трајни. Одвојте време за правилно спиење, кое ќе ви обезбеди енергија.
Прејадување
Студиите откриле изненадувачка врска помеѓу преголемата ситост и деменцијата. Причините се нејасни, но истражувачите се сомневаат дека до прејадување доаѓа кога храната што ја консумираме всушност нема хранливи состојки кои ни се потребни, што доведува до прекумерен внес на храна со желба телото да ги добие потребните минерали и витамини.
Дехидрација
Телото содржи 70% вода и таа е пресудна за секоја телесна функција, вклучувајќи ја и функцијата на мозокот. Делувањето на дехидрацијата на мозок се одвива многу брзо, а истражувалите утврдиле дека само два часа тешки вежби без вода може да предизвикаат пад на когнитивните функции. Дехидрацијата најмногу влијае на функциите како што се решавање на сложени проблеми, координација и внимание.
