Ова се совети како на исправен начин да ги земате лековите.
Не ги читате упатствата за користење на лекот што сами сте го купиле во аптека
Кога се во прашање лековите без рецепт, често сме многу опуштени и размислуваме на начин: “Ако ми го продале во аптека, значи не може да ми наштети“. Ова размислување е сосема погрешно. Бројот на лица кои завршуваат со сериозни здравствени проблеми поради неодговорно и прекумерно земање на лекови без рецепт (особено лекови против болка, лаксативи и опасни комбинации со редовната терапија што ја земаат), постојано е во пораст.
Колку и да ви се чини лекот безопасен, секогаш треба да го прочитате упатството за негово земање. Може да ве изненади што внатре пишува.
Земате седативи, а имате жиговина
Истражување покажало дека лицата кои поради проблеми со спиењето земаат лекови на рецепт наречени бензодиазепини имаат 50% поголем ризик од проблеми со жиговина навечер, во споредба со оние кои не го земаат овој лек. Друго истражување покажало дека тие лекови против анскиозност, го опуштаат езофагеалниот сфинктер, прстенест мускул кој ја задржува желудочната киселина таму каде што припаѓа.
Напрасно ја прекинувате терапијата со анксиолитици
Ако долг период земате лек против аксиозност, немојте нагло да прекинете. Разговарајте со својот лекар за тоа како постепено да ја намалите дозата. Во спротивно може да доживеете сериозни комликации како напади.
Земате “стар“ антибиотик за нова инфекција
Прво, секој пат кога лекарот ќе ви препише антибиотик треба да го испиете лекот до крај. Второ, многу антибиотици се специфични за видот на инфекцијата што ја имате.
Земате калциум на празен желудник
Калциумот во повеќето додатоци се врзува во форма на соли, наречен карбонат. На желудникот му е потребно многу хлороводородна киселина за да го разгради калциумовиот карбонат, затоа калциумот секогаш земајте го со оброк или ужина. Храната ќе го поттикне желудникот на производство на киселина.
Сами си дијагностицирате габична инфекција
Да, чешањето и исцедокот може да укажуваат на габична инфекција, но можеби сепак е во прашање нешто друго. Во едно истражување на жени кои сами си поставвале дијагноза, резултатите покажале дека само третина од нив навистина имале габична инфекција, а кај останатите станува збор за други вагинални инфекции. Посетете лекар и тој нека ви препише терапија.
