Омилениот ориз може да стане сериозен проблем, велат научниците. Дури и ако е подготвен на „нормален“ начин, во тенџере во кое се вари се додека водата не испари, истражувањата покажуваат дека оние кои го консумираат се подложени на траги од отровен арсен. Арсенот го контаминира оризот како резултат на индустриските токсини и пестициди кои се користат во неговото одгледување.
Хроничната изложеност на арсен се поврзува со многу здравствени проблеми како што се срцеви заболувања, дијабетес и рак, како и проблеми во развојот на децата, предупредува Енди Мехарг, професор по биолошки науки на Универзитетот во Белфаст. Тој тестирал различни начини на готвење ориз за да дознае кој од нив е најздрав.
Работата е во готвењето
Всушност нема причина за паника, треба само да го промените начинот на кој го приготвувате оризот. Односот на ориз и вода треба да биде 1:5 и тогаш нивото на арсен се намалува за дури половина. Исто така, ако оризот го покиснете ноќта пред готвењето, ќе го намалите нивото на арсен за 80 проценти. Притоа треба да внимавате пред готвење да го миете се додека водата не стане бистра.
