Kонзерва туна содржи сто пати повеќе цинк отколку што е сигурно, стои во студијата спроведена на Универзитетот во Бингхамтон во Њујорк, а чии резултати се објавени во списанието „Food and Function“.
Оваа количина на цинк може да ги оштети човечките црева.
„Зголемувањето на пропустливоста на цревата никако не е добро, бидејќи тоа значи дека соединенијата кои не би требало да влезат во крвотокот, сепак, ќе влезат. Оваа состојба се нарекува синдром на пропуштање на цревата и може да предизвика пореметувања како што е мултиплекс склероза. Тоа го прави на тој начин што го оштетува имунолошкиот систем поради материите кои телото ги апсорбира преку пропустливите црева“, објаснил водачот на студијата Гречен Малер.
Покаченото ниво на цинк во организмот се манифестира преку повраќање, мачнина, губење на свеста и висока температура.
Научниците ја анализирале содржината на конзерва пченка, туна и пилешко. Се покажало дека највисоко ниво на цинк содржи конзервата со туна. Најмногу цинк има во средината на конзервата и тоа сто пати повеќе од дозволеното. По туната, следува пилешкото.
Големите количини на цинк во организмот може да предизвикаат пад на железото и гликозата. Научниците предупредуваат дека долгорочната изложеност на прекумерно ниво на цинк може да има сериозни последици врз здравјето.
