Детските играчки е многу важно редовно да се чистат затоа што децата ги ставаат во уста и ги принесуваат до лицето. Тоа е особено важно за децата кои патат од алергии или астма. Американските лекари и научници од Универзитетот во Бафало утврдиле дека бактериите можат да живеат на играчките и по неколку недели.
Кадифените играчки се собирачи на прашина и бактерии, па треба барем еднаш месечно еднаш да се исперат во машина, а место детергент може да користите половина филџанче сода бикарбона.
Играчките кои не можат да се перат ставете ги во вреќичка, посипете ги со сода бикарбона и оставете ги да отстојат половина час, па потоа добро исчеткајте ги. Можете и да ги замрзнете на 24 часа. После тоа ишмукајте ги и протресете.
Книгите и сликовниците можете да ги пребришете со антибактериски влажни марамчиња. Играчките кои децата ги гризат кога им растат заби треба да се мијат со детергент за садови. Може да се попрскаат и со мешавина од оцет и вода, односно да се остават во ваква смеса да стојат десетина минути, па добро да се исплакнат. Лего коцките, исто така, треба да стојат околу еден час во врела вода со детергент за садови, па да се измијат убаво со топла вода. Во играчките за капење се собира мувла, па добро е да постојат во мешавина од врела вода и оцет.
