Вишокот килограми е проблем кој ги мачи луѓето на целата планета. Дебелината може да доведе до бројни здравствени компликации како што се дијабетес, болести на срцето, болести на коскено-мускулниот систем.
Кога диетите и обидот за физичко активирње не даваат резултатит многумина почнуваат да размислуваат за операција на намалување на желудникот. Некои лекари велат дека тоа е единствен траен начин за излекување на дебелината и спречување здравствени компликации. Секој кој сака да се оперира мора добро да разбере како треба да се однесува после операцијата за да се спречат можни рани компликации. Се разбира, промената на навиките во исхраната е еднакво важна.
Дебелите луѓе кои се спремаат за операција треба да симнат 5 до 10 отсто од својата телесна маса затоа што тоа го олеснува процесот на самата интервенција.
После операцијата за намалување на желудникот пациентот мора да се придржува до диетален режим на исхрана. Во првиот месец се консумира кашеста храна слична на бебешката, која се консумира во мали залци, затоа што секој поголем залак може да натера на повраќање. Она што е охрабрувачко е дека пациентот после операцијата не е гладен затоа што со намалувањето на желудникот се отстранува хормонот на глад, но и самото чувство за вкусот на храна е поинакво.
Сепак, и покрај големиот успех на оваа операција статистиката е таква што четвртина од пациентите не успеваат ни после зафатот да ги сменат навиките, па продолжуваат со статичниот начин на живот и се враќаат на најпроблематичната каника – консумирање слатки. Во тие случаи ни намалувањето на желудникот не е решение за дебелината.
Кои се можните компликации?
Секоја операција сама по себе носи ризик. Кај операцијата на желудник компликациите се мошне ретки, но кога ќе се случат пациентот може да биде во голема опасност.
Најопасната комплукација е излегување на течност од намалениот желудник во стомачната шуплина и затоа е важно луѓето кои имале операција да бидат во постојан контакт со хирургот кој ја направил операцијата.
