Малите промени можат во голема мера да влијаат на тоа како дишете за време на спиењето. Одбегнувајте алкохолни пијалаци пред одењето в кревет. Алкохолот е пијалак кој, штом заспиете, доведува до нагло опуштање на мускулите во поголема мера отколку што тоа им се случува на мускулите кога спиете а не сте под дејство на алкохол.
Ова нагло опуштање на мускулите доведува до стеснување на дишните патишта и до засилување на ’рчењето. Затоа одбегнувајте алкохол, но и сите производи кои имаат сличен ефект.
Спиењето на страна може да помогне
Кога е ’рчењето во прашање со малку труд можеме да си помогнеме себе, но и на другите, пред се, на личноста која спие крај вас. Потрудете се да се навикнете да спиете на страна, а не на грб. Зашто додека спиете на грб вашиот јазик, брадата и масното ткиво кое се наоѓа под брадата ќе се опуштат и со самото тоа ќе вршат притисок на дишните патишта и го засилуваат ’рчењето. Ако се навикнете да спиете на страна во голема мера ќе го намалите или дури потполно ќе го превенирате ’рчењето.
