Организирањето е еден од најдобрите примери како наизглед малите работи може да имаат драстичен ефект на нашето здравје. Прашање е само дали тој ефект е добар или лош. Во продолжение дознајте како со организација на просторот и времето може значително да го намалите стресот и да подобрите многу аспекти во своето здравје.
Да се живее без стрес денес е тешко, но за жал често сами непотребно ја влошуваме ситуацијата. Затрупаниот плакар, полиците и работните површини, како и лошото составување на листата за обврски се вистински тригер за стрес, а конкретните ефекти на здравјето се огромни.
Три најголеми здравствени придобивки од организирањето
Психичко растеретување
Првата и најинтензивна последица на добрата организираност е чувство на „паѓање на камен од срцето„. Без оглед дали ве мачат работи од кои никако не можете да се разделите (стара облека, спомени, наследени недвижнини) или пак постојано заостанувате на дневните обврски, организацијата е најдобар лек.
Многуте работи по плакарите и обврските кои не стигаме да ги завршиме многу често се само надворешна слика полна со сериозни проблеми кои предизвикуваат чувство на нервоза, грижа на совест, а неретко доведуваат и до целосна безволност и депресија. Еднаш кога ќе ги средите работите ќе почувствувате олеснување и ќе се запрашате како воопшто сте можеле да издржите толку долго под таков стрес.
Квалитетен сон
Не треба да сте медицински стручњак за да ја разберете поврзаноста меѓу здравјето и квалитетното спиење. Дури и ако сте меѓу ретките среќници кои може да функционираат со шест часа спиење или помалку, јасно е дека не е пресудно колку часа спиете туку колку квалитетно спиете.
Во организациски смисол, лицата кои го немаат под контрола своето време или живеат во нефункционален простор, никако не може да имаат услови за квалитетен сон. Грижата околу децата, проблемите на работа или со пари, сосема се доволни за лошо спиење.
Губење на вишокот килограми
Се поголем број професионални организатори истакнуваат дека помеѓу клиентите на кои добрата организација им донела позитивни резултати и во губењето на вишокот килограми.
Затоа ако сопственото здравје ви е на листата на приоритети, размислете дали лекот за вашите проблеми се наоѓа во вашите расфрлани работи и во вашиот несреден роковник. Почнете да го третирате својот дом како засолниште, совладајте ги вештините за планирање и тргнете од сопственото однесување. Многу брзо ќе почувствувате позитивни промени, а со тоа и волја за некои нови, подобри работи во својот живот.
