Зошто е важно оралното здравје? Кои се состојбите што може да произлезат од лошото орално здравје? И кои се некои од чекорите што секој од нас може да ги преземе за да го подобри своето орално здравје?
Оралното здравје е индивидуална работа. Оралното здравје е здравјето на нашата уста, нашите заби и нашите непца. Оралното здравје е толку фундаментално за нашата способност да дишеме, да зборуваме, да јадеме, но и да се насмевнеме. Устата е еден вид почетна точка на нашите телесни системи, одбрана и имунитет.
Речиси половина од светската популација е зафатена од некоја орална болест и ранливите и маргинализираните популации се особено погодени.
Ова значи дека оралното здравје и лошото орално здравје се маркер за здравствени нееднаквости. Кога оралното здравје е компромитирано од болест или повреда, општото здравје исто така е засегнато. Оралната болест може да има и социјално и економското влијание кај поединците и семејствата со зголемување на расходите на домаќинствата и сериозно да влијаеквалитетот на животот и благосостојбата на луѓето.
Најчестите орални болести и состојби се забен кариес или расипување на забите, болести на непцата, губење на забите, дентална траума или орален карцином. Сите овие болести може да се спречат и лекуваат во раните фази. Во повеќе тешки случаи, оралната болест може да доведе до инвалидитет, па дури и до смрт. Оралните болести се предизвикани од низа ризични фактори. Тие вклучуваат употреба на тутун, консумирање алкохол и нездрава храна и пијалоци. Сите овие фактори на ризик се споделуваат со други медицински состојби или незаразни болести како што се дијабетес, рак, хронични респираторни заболувања, кардиоваскуларни заболувања или ментални нарушувања.
Најголемите предизвици се трошоците и пристапот до оралното здравје. Во многу земји грижата за оралното здравје не е достапна за повеќето луѓе. Спроведување на превентивни мерки во училиштата,заедниците, и на работните места е нашиот најдобар пристап.
Најефективната мерка за спречување на забен кариес е да ги миете забите два пати на ден после појадокот и пред спиење со паста за заби со флуор. Нешто што треба да се запамети е дека користењето паста за заби без флуор не е ефикасно средство против забен кариес.
Второ, за да помогнете во спречување на забен кариес и одржување на општото здравје, намалете ја потрошувачката на шеќер во храната и пијалоците. Водата е најдобриот пијалок секој ден во секое време. Друг совет е да ги заштитите забите и лицето од повреди. Користете заштитна опрема кога се занимавате со спорт, носете шлем што ја покрива устата ако возите мотор и не заборавајте го појасот ако сте на патување со автомобил.
Извор:https://www.who.int/emergencies/diseases/novel-coronavirus-2019/media-resources/science-in-5/oral-health
