Според „Форбс“ ова се трите јасни, па дури и алармантни знаци дека е вистинско време за нова работа:
Немотивираност
Нозете ви се враќаат назад, а чувствувате мака и од самата помисла на влегување во канцеларијата – не го припишувајте чувството на мрзеливоста и немарноста, особено ако се случува подолго време. Ова е јасен знак дека е потребно самите да почнете да барате нешто ново.
Раздразливост
Нормално е во некои денови да сме помалку расположени, но ако тоа се случува секој ден, а притоа сте и нервозни и раздразливи поради ситници, кои инаку не би ви пречеле, обрнете внимание дали тоа е последица од незадоволство на работното место. Ако утврдите дека ви се случува додека сте на работа, а потоа и си го носите дома, можеби е време за промена.
Постојан стрес
Стресот се манифестира на различни начини, а често и не сме свесни за тоа. Ако забележите дека сте болежливи, имате проблеми со кожата, варењето, лошо спиете, имате необјасниви акни и ве боли главата, а без некоја особена причина, потсетете се дали сте биле изложени неодамна на стрес. На многумина им се случило да бидат под постојан стрес со месеци, па и со години и да мислат дека тоа е нормално. Но не е така и сето ова е јасен знак дека ви е потребна нова работа, но и наоѓање на здрави начини за соочување со состојбата.
