Оризот спаѓа во најстарите житарки со оглед на тоа дека се одгледува преку 5000 години. Богат е со јаглехидрати (28,7 г на 100 г варен ориз), содржи мало количество на протеини (2,4 г на 100 г) и речиси и да не содржи масти (0,2 г на 100 г). Во 100 г варен бел ориз има 130 калории. Оваа житарка претставува солиден извор на витамини Б1, Б3 и Б6, а особено е богата со фолна киселина (58 мкг во 100 г). Споменатото количество задоволува 7 отсто од дневните потреби на организмот за железо (1.2 мг на 100 г), 11 проценти за селен и 24 отсто за манган. Инаку, оризот е житарка која природно не содржи глутен, што е особено важно за личностите кај кои постои чувствителнсот или нетолеранција на глутен.
Интересни се резултатите од истражувањето кои покажале дека исхраната на луѓето кои редовно јадат бел или интегрален ориз е генерално поздрава. Во истражувањето учествувале повеќе од 14 000 возрасни Амерканци и било забележано дека испитаниците кои редовно консумирале ориз јаделе и повеќе овошје, зеленчук и мешунки, како и дека внесувале поголеми количества на калиум, железо, фолна киселина и влакна. Истовремено јаделе помалку намирници со додаден шеќер и заситени масти.
Оризот е одличен избор доколку се обидувате да загубите некој килограм затоа што го продолжува чувството на ситост, а бидејќи не содржи сол претставува одлична намирница за личностите кои патат од зголемен крвен притисок.
