Едно од главните пореметувања на денешницата е, секако, проблемот со спиење. За тоа во голема мера придонесе и технологијата, односно апликациите кои го мерат квалитетот на живот, а во конкретниов случај апликација за следење на сонот.
Оваа апликација бележи кога спиете, колку и дали квалитетно спиете. Се повеќе луѓе во целост се потпираат на таквите апликации, па сами себеси си дијагностицираат пореметувања кои ги немаат.
Резултат на тоа е ортосомнијата, која медицински претставува проблем со спиењето кој е предизвикан од технологијата, односно од апликациите што го овој процес во животот. Орто значи правилно, а сомнија – спиење.
„Се повеќе луѓе бараат решение за самодијагностицирање на проблемите во врска со спиењето и постојано гледаат во своите уреди кои им презентираат податоци во врска со нивното спиење“, се наведува во написот објавен во списанието Клиникал слип медисин што се занимава со оваа модерна појава.
Експертите порачуваат дека наместо да се потпирате на апликациите, треба повнимателно да го чувствувате и слушате своето тело. Затоа наутро, кога ќе се разбудите, обрнете внимание на тоа како се чувствувате. Ако се чувствувате наспани, тогаш добро сте спиеле, без оглед што е запишано во вашите мобилни апликации.
