Секое второ домаќинство во германскиот главен град Берлин има само по еден член, па затоа во градот веќе постојат служби за помош на постари лица, служби кои вклучуваат телефон, професионално организирање забави и дружења. Истражувањата покажуваат дека луѓето се помалку се дружат и социјализираат и тоа им влијае врз здравјето. Ова не проблем само на Германија, туку феномен присутен „од Јапонија до Америка“.
Според официјалните податоци, најмалку 300 лица годишно умираат во своите станови, при што никој не го забележува тоа со недели. Берлин поради тоа, меѓу другото, го доби и прекарот „престолнина на осаменоста”. Велика Британија, пак, од лани има министер за осаменост, кој беше поставен откако во јавноста се појавци податокот дека девет милиони Британци страдаат од чувство на осаменост. А токму осаменоста се смета дека поштетна за здравјето и од пушењето 15 цигари дневно. За жал, осаменоста не е одлика само на повозрасното население.
Во САД, на пример, најосамени се луѓето родени во 90-тите години од минатиот век и на почетокот на овој. Речиси половина од Американците велат дека понекогаш или постојано се чувствуваат осамено, се наведува во истражувањето на компанијата за здравствено осигурување „Сигна”. Во Јапонија, пак, со децении се активни кафулиња каде што осамените момци и девојки плаќаат девојка или момче за разговор, прошетка или дружење. Според Американскиот национален институт за здравје, последиците од осаменоста се: висок крвен притисок, срцеви болести, вишок килограми, ослабен имун систем, анксиозност, депресија, намалени умствени способности, Алцхајмерова болест, па дури и смрт.
ВАЖНО
Осаменоста не е само емоционален предизвик, туку и сериозен здравствен проблем кој може да има длабоки последици врз физичкото и менталното здравје. Современото општество, и покрај дигиталната поврзаност, сè почесто се соочува со зголемена осаменост кај луѓето од различни возрасти.
Како осаменоста влијае на здравјето?
-
Физички здравствени ризици
-
Осамените лица имаат поголем ризик од срцеви заболувања, висок крвен притисок и ослабен имунолошки систем.
-
Студиите покажуваат дека хроничната осаменост може да биде подеднакво штетна како пушењето 15 цигари дневно.
-
Зголемен ризик од Алцхајмерова болест и когнитивен пад кај постарите лица.
-
-
Ментални последици
-
Осаменоста може да доведе до депресија, анксиозност и ниска самодоверба.
-
Долготрајното чувство на изолираност може да предизвика стрес и да ја зголеми склоноста кон негативно размислување.
-
-
Социјални и општествени последици
-
Намалување на социјалните вештини и тешкотии во создавање нови врски.
-
Општествената изолација може да резултира со намалена продуктивност и чувство на бесцелност.
-
Причини за осаменост
-
Современ начин на живот, каде што дигиталната комуникација го заменува физичкиот контакт.
-
Урбанизација и намалување на традиционалните семејни и заеднички вредности.
-
Стареење на населението и недостаток на поддршка за постарите лица.
-
Работни и академски обврски кои создаваат чувство на оддалеченост од блиските.
Како да се намали осаменоста?
-
Развивање на поддржувачки заедници и социјални мрежи.
-
Поттикнување на отворени комуникации и организирање на заеднички активности.
-
Практикување на хобија и активности кои вклучуваат групна интеракција.
-
Поголемо внимание на менталното здравје и барање стручна помош кога е потребно.
Осаменоста е проблем кој бара општествена свесност и индивидуална ангажираност за да се намали нејзиното негативно влијание. Поддршката, разбирањето и вистинските човечки односи се клучни за подобрување на квалитетот на животот.
