Менструалниот циклус има повеќе фази, а во текот на животот изгледот и траењето на менструацијата се менува. Самата менструација може да биде обилна или послаба и може да трае од три до седум дена. Исто така, постојат и нарушувања на ментруалниот циклус како што се изостанок на менструација, менорагија или оскудна менструација (хипоменореја).
Оскудна менструација значи кратко крварење проследено со светла или темна крв, а се третира со откривање и лекување на причината за проблемот.
- Што е оскудна менструација?
Оскудната менструација кај жените трае од неколку часа до максимум два дена, а често е придружена со светла или темна, кафена крв, а самата менструација е помалку обилна. Кај оскудната менструација, количината на крв се намалува и таа изнесува помалку од 30 милилитри во циклус, додека кај нормалната менструација се губи помеѓу 30 и 50 мл крв. Овој тип на менструација може да биде проследен и со отсуство на симптоми на ПМС или може да се појави само таканаречен spotting, односно траги од крв.
Таа може да го наруши здравјето кога се повторува неколку месеци по ред, а кога не се третира.
- Причина за слаба менструација
Оскудната менструација може да биде резултат на земање апчиња за контрацепција, хормонална терапија или може да се појави за време на пубертетот или непосредно пред менопаузата. Исто така, до оскудна менструација може да дојде поради други проблеми во телото, како што се проблеми со тироидната жлезда, изостанок на овулација, покачени нивоа на инсулин, пролактин и андрогени или други хормони.
Во некои случаи, стресот или наглото губење на тежина, исхраната, нарушувањата во исхраната и прекумерното вежбање или оштетувањето на ендометриумот на матката, исто така, може да доведат до слаба менструација.
Менструалниот циклус кај секоја жена е поинаков. Кај некои трае подолго, кај некои пократко, додека кај некого менструацијата е пообилна, а кај други е оскудна. Оскудна менструација може да се појави поради разни пореметувања во телото, стрес, слабеење, а може да биде и наследна. Кога се повторува, важно е да побарате помош од гинеколог и да ја откриете причината за проблемот, кој потоа се третира.
Оскудна менструација може да се појави и на почетокот на бременоста, поточно, пред жената да знае дека е бремена. Може и генетски да се наследи, ако на пример, има вашата мајка, исто така и вашата ќерка ќе има такви менструации.
- Како се дијагностицира оскудната менструација?
Кога менструацијата е постојано оскудна, неопходно е да се посети гинеколог. За да ја открир причината за оскудната менструација, гинекологот ќе побара да се направат крвни анализи за да се види нивото на хормоните, а ќе направи и ултразвучен преглед за да види дали постојат оштетувања на матката кои може да предизвикаат оскудна менструација.
- Како се третира оскудната менструација?
Кога ќе се појави оваа состојба, неопходно е да се посети гинеколог кој ќе ја одреди вистинската терапија. Најчесто не се третира самата оскудна менструација, туку е потребно е да се направат дополнителни испитувања за да се најде причината за проблемот, кој потоа се лекува, а кога ќе се реши, менструацијата ќе стане нормална.
На пример, жените кои имаат оскудна менструација поради прекумерен стрес ќе треба да избегнуваат стресни ситуации, додека жените чии слаби менструации настанале поради диети или нарушувања во исхраната ќе мора да поработат на подобри навики во исхраната.
