Кога киселините од желудникот се враќаат во хранопроводникот и притоа предизвикуваат подригнување, болка, непријатност и чувство на печење во грлото и градите, тоа се нарекува рефлукс. Рефлуксот се јавува како последица од пореметена и слаба функција на прстенот кој го затвора преминот од желудникот назад кон хранопроводникот. Ова пореметување најчесто се лекува со лекови, но постојат и природни начини…
Кога лицето кое има рефлукс, користи антициди, ја попречува природната желудочна киселина која е потребна за нормално варење, апсорпцијата на витамини и минерали и го држи под контрола претераниот развој на штетни бактерии. Многу подобро е да се отстранат причините за рефлкус, а тоа може да биде: консумирање зачинета храна, цитруси и влакна, пушење, седечки начин на живот и пречувствителност на некој вид храна.
Овие неколку совети ќе ви помогнат во лекувањето на рефлуксот на природен начин
Органски јаболков оцет – го зајакнува одбранбениот систем, помага при варењето на храната, и ја намалува количината на бактерии во цревата кои предизвикуваат рефлукс. Треба да се пијат две лажици оцет со една чаша вода секое утро. Обидете се да го задржите оцетот во устата неколку секунди. Така се стимулира лачењето на плунка и ги поттикнува жлездите за создавање желудочна киселина.
Семки од анасон – богат со витамини и минерали, анасонот со векови се користи како средство за варење на храната. Тоа е затоа што содржи анетол, состојка која го опушта желудникот. Се препорачува да ставите малку мелени семки од анасон во зовриена вода и да го пиете како чај по јадење.
Јаболки, банани, папаја – цитрусното овошје не е добро за рефлуксот, но пектинот помага во варењето, па затоа јаболките се многу добри. Папаинот во папајата (ензим кој ги разградува јаглехидратите) го забрзува метаболизмот, го намалува воспалението и ја олеснува констипацијата, па затоа е исто така одличен за рефлукс. Исто така, бананите го јакнат стомачниот ѕид на желудникот и имаат природен алкален ефект.
Ѓумбир – познат по тоа дека ја намалува мачнината, а исто така добро делува на варењето. Еден од најстарите кинески лекови за тегоби на желудникот. Особено се препорачува чај од ѓумбир.
Нане – помага при мачнини и на сите пореметувања при варењето. Чајот од нане може да го пиете кога ќе почувствувате непријатност во желудникот.
Спијте со поткренати нозе и избегнувајте вечера – доцните оброци може да бидат главна причина за желудочниот рефлус, особено ако спиете без перница. Се советува спиење на левата страна и со подигнати нозе, бидејќи таа положба не и дозволува на желудочната киселина да стигне до хранопроводникот. И секако, не треба да јадете два-три часа пред спиење.
Помали оброци – на системот за варење тешко му е да свари преголеми оброци па затоа поголеми се шансите желудочната киселина да дојде во хранопроводникот. „Џвакајте полека и многу, бидејќи варењето почнува уште во устата. Колку повеќе му помогнете на телото на почетокот, толку подоцна ќе ви биде полесно„, советуваат стручњаците.
