Првутот претставува мртви клетки од кожата на темето, кои непрекинато се лупат. Причини за оваа појава може да бидат многубројни, а меѓу најчестите се стресот, себореа и преактивни лојни жлезди.
Ова се неколку природни рецепти кои се покажале како најефикасни во борбата со првутот.
Во еден литар провриена вода ставете една рака ловоров лист. Поклопете го тенџерето и оставете да отстои 20-тина минути, па потоа процедете. Кога ќе се излади истријте ја главата убаво, па по еден час исплакнете со чиста вода.
Јаболковиот оцет е познат по тоа дека ги уништува габите и бактериите, па не е ни чудо што се препорачува во борбата против првут. 100 милилитри јаболков оцет (најдобро домашен) разредете го со 100мл вода и нанесете на косата, откако ќе ја измиете со шампон.
Доколку имате повеќе време, главата измачкајте ја со јогурт и оставете да стои половина час па потоа измијте ја. Јогуртот во себе содржи многу добри бактерии кои може да помогнат во борбата против габите.
Масла
Маслото од чајно дрво, исто така е познато дека има бројни противвоспалителни својства. Седум капки разредете со лажица маслиново масло и намачкајте го темето, заврзете ја главата со марама и оставете да делува цела ноќ.
Консумирање на ленено масло, една до две лажици на ден може да помогне во борбата со првутот. Ова масло во себе содржи есенцијални масни киселини кои помагаат во лечењето на бројни кожни болести, па така ќе помогне и во отстрануваењето на првутот. Но, мора да бидете трпеливи, бидејќи може ќе треба и неколку месеци за да се забележи подобрување.
