Ако вашето дете страда од алергии, намалете ја изложеноста на вашиот дом на прекумерна прашина, мувла, влакна од домашно милениче и други причини за алергија, кои може да поттикнат појава на алергиски симптоми. Имајте на ум дека детето не може да живее под стаклено ѕвоно, но вие, сепак, можете да влијаете врз некои работи. Еве дел од основните препораки:
* Редовно чистете ја прашината и поминувајте со правосмукалка,
* Менувајте ја постелнината секоја недела,
* Извадете ги теписите и порадо оставете го подот гол или ставете килими од стопроцентен памук, кои можете да ги перете во машина за перење,
* Влажноста на просторијата во која поминувате најголем дел од времето треба да биде под 50 проценти со цел да се спречи формирање на мувла,
* Ако имате домашно милениче, оставете го да престојува што повеќе време надвор, на отворено и држете го подалеку од детската соба,
* Кога ќе дојде пролетта и ќе се зголеми концентрацијата на полен во воздухот, држете ги затворени прозорците,
* Не дозволувајте да се пуши во домот.
