Зеодамнешна американска студија покажала дека одделни печурки содржат антиоксиданти за кои се смета дека го продолжуваат животот и го забавуваат процесот на стареење.
Имено, печурките и тоа особено вргањот, претставуваат најдобар извор на антиоксиданти – ерготионеин и глутатион. Шампињоните, од друга страна, содржат помали количества од овие антиоксиданти, но повторно во поголема мера од другата храна.
Кога станува збор за други намирници, ерготионеинот се наоѓа во црниот грав, овесните снегули и црниот дроб, додека аспарагусот, авокадото спанаќот, бамјите и брокулата претставуваат добар извор на глутатион.
Авторите на студијата напоменуваат дека кај народите чија исхрана содржи повеќе ерготионеин (на пример, кај Французите или Италијаните) може да се забележи помала зачестеност на болести како што се Паркинсонова и Алцхајмерова.
Претходни истражувања, исто така, укажале на тоа дека освен што го намалуваат ризикот од невродегенеративните болести, ерготионеинот и глутатионот поволно делуваат на здрајето на црниот дроб, бубрезите и кардиоваскуларниот систем.
