Повеќе од 13 отсто од луѓето се подложни на напади на паника кои можат да бидат многу силни и вознемирувачки. Препознајте ги симптомите: нападите на паника може да траат меѓу 5 и 30 минути и да се придружени со симптоми како што се брзо дишење, потење, забрзана работа на срцето, треперење и мачнина.
Останете прибрани
Ако имате краток, ненадеен напад на паника може да биде корисно ако крај себе имате некого кој би ве охрабрил со зборовите дека тоа ќе помине, вели Пол Салковски, професор по клиничка психологија и применета наука. Важно е нападот да помине и да не дојде до нови пречки. Само ако останете смирени, можете да пружите сигурност.
Како да помогнете?
Делувајте охрабрувачки
Нападите на паника можат да бидат многу вознемирувачки; некои луѓе кои поминале низ тоа состојбата ја опишуваат како да имаат срцев удар или да умираат. Важно е да ја уверите личноста која доживува напад дека не е во опасност. Симптомите кои можат да се припишат на реакцијата на телото обично се најинтензивни во првите 10 минути.
Поттикнете длабоко дишење
Охрабрете ја личноста во напад на паника да дише полека и длабоко. Некои препорачуваат да се брои на глас. Постојат и разно-разни водичи за смирување кои вклучуваат и вежби за дишење.
Бидете добронамерни, не одбивни
Реченицата „не паничи“ може да биде добронамерна, но обидете се да ја избегнете, истото важи и за изразите и фразите кои би можеле да звучат одбојно. Не ја потценувајте личноста која има напад, затоа што токму нападите на паника се меѓу најинтензивните искуства низ кои може да помине една личност.
Обидете се со „приземјување“
„Некои од симптомите на напад на паника не мораат да бидат или втемелени во стварноста, вели Марин Антони, професор по психологија на Универзитетот Риерсон во Торонто. Техниките на „приземјување“ или другите начини со чија помош личноста ќе се почувствува поврзана со сегашноста можат да бидат делотворни. Затоа помогнете и да се фокусира, на пример, на текстурата на ќебе, мирис на нешто или допир.
Прашајте ја личноста дали има потреба од нешто
Луѓето често можат да се чувствуваат исцрпено после напад на паника. Внимателно прашајте ги дали сакаат нешто, на пример, чаша вода или нешто за јадење (кофеин, психостимуланси и алкохол најдобро е да се одбегнуваат). Можно е и да се тресат или да им е претопло. Подоцна, откако малку ќе се опорават може да ги прашате што им помогнало за време на нападот, може да биде корисно во секоја следна прилика.
