Поранешните истражувања покажале дека пушењето лошо влијае на здравјето на синусите. Имено, оваа навика предизвикува промени во ѕидовите на носната шуплина и ја намалува способноста на синусите да го елиминираат секретот, што доведува до иритација, воспаленија, ’рчење и сл.
Една неодамнешна студија, пак, покажала дека оставањето на цигарите секако претставува решение за хроничните проблеми со синусите, но дека се потребни дури 10 години за синусите да се вратат во нормална состојба т.е. состојба која може да се забележи кај непушачите.
Иако станува збор за долг временски период, поволните ефекти од оставањето на цигарите се повеќекратни. Веќе после три месеци се подобрува функцијата на белите дробови, како и циркулацијата, а после неколку години се намалуваат ризиците од разни болести како што се срцеви заболувања и карцином на белите дробови, устата и грлото.
