Мангото е исклучително здраво овошје и поради тоа вреди да се јаде секој ден! Ова овошје содржи хранливи материи и витамини и можете да го додадете во различни оброци. Мангото не содржи маснотии, холестерол, богато е со влакна, витамини и минерали и содржи многу малку калории.
Има повеќе причини зошто треба да се јаде манго секој ден!
Го зајакнува и заштитува имунитетот
Ако сакате да направите нешто за вашиот имунитет, вклучете го мангото во вашата секојдневна исхрана. Ова овошје е полно со бета-каротин, а најдобрата конверзија на витаминот А е токму од бета-каротин – моќен антиоксидант што го штити организмот од воспаленија.
Спречува раст на клетките на ракот
Поради високите нивоа на витамини и антиоксиданти, мангото се покажало одлично како превенција на ракот. Овошјето е ефикасно во спречувањето на ракот на дебелото црево, ракот на дојка и ракот на простата.
Ги отстранува дигестивните проблеми
Мангото е богато со диетални влакна, поради што се препорачува во случај на бавно варење. Ова овошје, исто така, содржи дигестивни ензими кои го смируваат стомакот и помагаат при зголемување на секрецијата на желудечната киселина.
Ја подобрува функцијата на мозокот
Мангото е полно со витамин Б6, кој е одговорен за функционирањето на нервниот систем и мозокот. Покрај тоа, витаминот Б6 помага во формирањето на неколку невротрансмитери во мозокот одговорни за здрав и мирен сон и влијае на расположението.
Помага за надминување на анемија
Поради високата содржина на железо, се препорачува манго да консумираат сите кои страдаат од анемија, особено бремени жени и жени во менопауза.
Ја заштитува кожата
Мангото е ефикасно за решавањето на проблемот со запушените пори на кожата. Ако имате проблеми со акните, секојдневното консумирање на манго ќе ви користи.
Помага да го одржите холестеролот под контрола
Ова овошје содржи содржи многу витамин Ц, пектин и влакна кои се важни за да се задржи нивото на холестерол под контрола. Свежо манго е одличен извор на калиум кој е од суштинско значење за одржување на здравјето на срцето и контрола на крвниот притисок.
Добро е за здравјето на очите
Мангото содржи големи количества витамин А, една чашка манго содржи речиси 25 проценти од препорачаната дневна доза на овој витамин. Витаминот А е клучен за спречување на многу нарушувања на очите и на видот, меѓу кои и ноќното слепило.
