Многу симптоми и тегоби се јавуваат без некоја посебна причина, но некои може да укажуваат и на сериозни здравствени проблеми кои можете да ги решите ако навреме реагирате на нив.
Губење на третина од веѓите
Замор, чувство на студ и зголемени килограми се симптоми на хипотиреоза, но и други болести, но дополнителна индикација која може да укажува на хипотиреоза е проретчување на веѓите. Намалената активност на штитната жлезда може да предизвика зголемува на ризикот за срцеви болести, галуком и деменција. Направете контрола на нивото на ТСХ хормонот.
Подуеност
Ракот на јачници има многу нејасни симптоми кои често се превидуваат. Но, најризичен симптом кој би можел да предупредува на рак на јачниците е постојано зголемен стомак. Со останатите симптоми како што се болка во карлицата, постојано чувство на полн желудник или подуеност се дополнителни причини да побарате лекарска помош.
Криви заби
Лошо наредените заби е тешко да се одржуваат чисти, што, пак, придонесува за појавата на парадентоза. Освен што предизвикува ослабена функција на џвакањето, поврзана е со болести на срцето, мозочен удар и дијабетес. Редовно посетувајте стоматолог и немојте да го исклучите носењето протеза само поради фактот дека сте возрасни.
Спуштени стапала
Рамните стапала може да доведат до појава на жуљеви и курје око, проблеми со Ахиловата тетива, артритис во стапалата, голема болка во ножните прсти, петата, коленото, зглобовите… Исто така, се смета дека може да предизвикаат и болки во грбот и артритис на колената. Поголемиот дел од овие проблеми се решаваат со носење на анатомски влошки за чевли, кои помагаат за право држење на телото.
‘Рчење
Лицата кои редовно ‘рчат имаат пет пати поголема веројатност да добијат висок крвен притисок, срцева болест, мозочен удар, дијабетес тип 2 и висок холестерол во споредба со оние лица кои повремено ‘рчат. Но, луѓето во просек чекаат 18 години да побараат помош. Ако не се лекува ‘рчењето може да доведе до апнеа – состојба кога во текот на сонот доаѓа до престанок на дишењето и постојано будење кое доведува до хронична исцрпеност.
Вагинален исцедок
Кога вагиналниот исцедок ја менува бојата во зеленкаста, сива и крвава или има непријатен мирис, тоа е знак за вагинална инфекција. Белиот и густ вагинален исцедок укажува на габична инфекција. Побарајте лекарски совет, бидејќи нелекуваната инфекција може да стане воспалителна болест на карлицата и да предизвика неплодност и хронична абдоминална болка.
Лоша дигестија
Ако и после шест недели лекување повторно се јават проблеми со варење на храната или лекувањето се покаже неефикасно, потребни се детални прегледи со кои навреме може да се превенира карцином на дебелото црево или на желудникот.
Пецкање во нозете
Чувството на пецкање и трнење на нозете најчесто се јавува како споледица на лоша циркулација, но може да укажува и на шеќерна болест. Многу луѓе и не знаат дека боледуваат од дијабетес. Кај нив, како еден од знаците може да се појави периферна невропатија – чувство на пецкање или трнки во нозете и во стапалата, што може да укажува на оштетување на нервите.
