Менструалните чашки се сѐ пошироко прифатени меѓу жените во светот. Уште еден ефикасен начин да се поминат деновите од месечниот циклус. Предностите на менструалните чашки се големи, тие се целосно безбедни и анатомски прилагодени, а можат да се употребуваат одново и одново. Сепак, како еден од поновите продукти на пазарот, кај жените сѐ уште постои недоверба кон овој производ.
Ова се неколку митови за менструалните чашки кои се апсолутна невистина
- Ако никогаш не сте имале сексуални односи, не можете да користите менструална чашка
Всушност, вистината е дека употребата на чашката не може да предизвика дефлорација и сосема безбедно можат да ја користат и девици
- Чашката може да се заглави и да не може да се извади
Ова едноставно не е возможно заради тоа што таа има специјално дизајнирана рачка која служи како помош за извлекување и празнење
- Чашката може да се користи само еднаш во текот на мензисот
Доколку се следат хигиенските инструкции, може да се користи неограничено многу пати за време на менструацијата. Менструалната чаша може да се користи до пет години, а за тој период ќе заштедите многу пари што ги трошите за други хигиенски средства
- Ако веднаш не ја испразните, крвта може да се врати назад
Чашките се дизајнирани така да можат да ја задржат целата крв и да не предизвикуваат сувост, иритација или непријатни мириси
- Можете да се користат како средство на контрацепција
Чашките во никој случај не можат да заштитат од бременост или сексуално преносливи болести.
- Менструалната чашка може да се мие со сапун, шампон, гел за туширање…
Одржувањето е многу важен дел во употребата на чашките, но не со било какво средство. Постојат специјализирани средства наменети токму за нив. Но, доколку не ви се при рака, едноставно попарете ја со врела вода и спремна е за употреба. Чашките се направени од медицински силикон, што ги прави хипоалергени и лесни за одржување.
- Одењето во тоалет додека се користи менструална чашка е комплицирано
Доколку чашката е правилно наместена, секојдневните активности нема да бидат проблем. Напротив, ќе ви овозможи слобода во текот на овие денови, бидејќи обезбедува 12 часовна континуирана заштита, дење и ноќе
- Чашката е непријатна и се чувствува при носење
Доколку се користи правилно и според упатството, чашката нема да се чувствува. Важно е да се избере облик и волумен кој одговара на телото. Изборот зависи од висината на грлото на матката, јачината на крварењето, како и јачината на мускулите во долниот дел на телото
