Лошата циркулација е најчестиот здравствен проблем кој, ако не се лекува, може да доведе до срцев и мозочен удар.
- Отечени нозе и стапала
Доколку на кожата се видливи траги од чорапите или чевлите, тоа е знак, како што велат експертите, на рана венска инсуфициенција, односно ослабен проток на крвта.
Диуретиците, истакнуваат тие, не го решаваат овој проблем, туку најдобро е да се носат медицински компресиски чорапи, да се ставаат стапалата на повисоко и да се намали од телесната тежина, ако е потребно.
- Промена на бојата на кожата на стапалата
Темносината боја на стапалата е знак за долготрајно лоша венска циркулација. Овие промени на кожата се, како што објаснуваат лекарите, оксидирано железо од хемоглобинот во крвта кое се задржало во екстремитетите без враќање во горниот дел од телото. Доколку ги забележите овие промени потребно е да отидете на лекар, советуваат стручњаците.
- Трнење во нозете или во стапалата
Трнење, чувство на трнење, студенило и бледа кожа се знаци за лоша циркулација. Но, постојат лекови кои може да помогнат кај слаба артериска циркулација во нозете.
- Болки во листовите при одење
Болките во листовите на нозете се симптоми за многу лоша циркулација во нозете и треба веднаш да се посети лекар. Овој вид на болка е многу интензивен и не е слична на болката во мускулите поради напор. Болката престанува во состојба на мирување бидејќи мускулите не требаат повеќе крв како при пешачењето, односно одењето.
- Студени и бледи прсти на рацете
Проблемите со циркулацијата во горните екстремитети се јавуваат поретко бидејќи рацете се поблиску до срцето. Станува збор за Рејноов синдром, кој често се поврзува со автоимуни состојби како лупус или ревматоиден артритис. Експертите препорачуваат преглед на автоимуни состојби и посета на ревматолог.
