Бубрезите се еден од виталните органи во организмот, задолжени за филтрирање 120-150 литри крв на редовна дневна база. Со обработката на крвта, бубрезите го спречуваат насобирањето на бројни отрови во организмот. Покрај тоа, тие го одржуваат и нивото на електролити под контрола, го контролираат здравјето на коските, а го поддржуваат и формирањето на црвени крвни клетки и крвниот притисок.
Болеста на бубрезите се одразува врз целокупното здравје, а затајувањето, нивното откажување, е опасно по живот. Еден од најздравите начини за одржување на добро здравје на бубрезите е исхраната богата со антиоксиданти и хранливи материи. Симптомите на оштетување на бубрезите честопати поминуваат незабележано, бидејќи обично не предизвикуваат болка.
Кои се најчестите симптоми на оштетување на бубрезите што не треба да се игнорираат:
ОТЕКУВАЊЕ – Оштетените бубрезите не се во состојба да го отстранат вишокот на течности во организмот, што нормално предизвикува отекување на лицето, рацете, нозете. Ненадејниот оток е, исто така, симптом на откажување на бубрезите.
ПРОМЕНИ ВО МОКРЕЊЕТО – Најраните знаци на оштетување на бубрезите кои бараат итно внимание се: тешкотии при мокрењето или чувство на притисок, крв во урината, темна урина, мокрење мала количина на урина или многу поретко, бледа урина во поголеми количини и често, пенлива урина и мокрење во текот на ноќта.
ОСИП НА КОЖАТА – Како што бубрезите не успеваат да ја завршат својата работа, така токсините се акумулираат во крвта, што често доведува до осип на кожата и силно чешање, а кожата е иритирана и сува. Дури и ако проблемот го третирате локално, проблемот со бубрезите ќе остане и понатаму.
ЗАМОР – Еритропоетин, исто така, познат и како ЕПО, е хормон кој го произведуваат здрави бубрези. Овој хормон е одговорен за формирање на црвени крвни клетки кои го пренесуваат кислородот. Во случај на оштетување на бубрезите, бројот на црвени крвни клетки се намалува, што исто така влијае на доводот на кислород во телото. Ова, пак, води до помалку енергија во мускулите и анемија.
НЕДОСТАТОК НА ЗДИВ – Недостатокот на здив може да сигнализира оштетување на бубрезите. Работата е во тоа што вашето тело не добива доволно кислород како резултат на црвените крвни клетки, што, исто така, резултира со вишок насобрани течности во белите дробови.
МЕТАЛЕН ВКУС ВО УСТАТА – Промена на вкусот што нормално се јавува како последица на насобраните токсини во крвта. Вашиот здив може да стане многу непријатен
БОЛКА – Оштетувањето на бубрезите често е означено со болка во горниот дел на грбот или на страната на оштетениот бубрег. Камче во бубрегот, како и инфекција на бубрезите, може да предизвика грчеви и силни болки.
ПРОБЛЕМИ СО КОНЦЕНТРАЦИЈА И ВРТОГЛАВИЦА – Последно, но не и најмалку важно, оштетувањето на бубрезите е поврзано со недостаток на кислород во мозокот, што доведува до намалена концентрација. Исто така, се можни и проблеми со памтењето и вртоглавица.
