Зглобовите се споеви помеѓу две или повеќе коски, кои во зависност од градбата и положбата можат да ротираат, да се движат напред-назад или да се превиткуваат. Постојат многу причини за отекување на зголобовите на рацете и нозете, а тоа може да биде и исхраната или некои болести. Отечените глуждови и прсти на рацете предизвикуваат нелагодност, а кај жените болките во зглобовите се појавуваат петпати почесто отколку кај мажите. Истражувањето спороведено на 22.000 жени, покажало дека повеќе од 70 отсто имаат проблеми со забавен поврат на крв кон срцето. Возрасната граница за појава на симптомите на болките во нозете е сѐ пониска, благодарение на некои состојби, како прекумерната телесна тежина, недоволната активност и нездравите прехранбени и животни навики. Од проблеми со болки во отечени зглобови денес страдаат дури 32 отсто од жените помлади од 35 години.
Причини за отекување на зглобовите може да бидат различни болести, пореметувања и повреди:
- Повреди како истегнувања или фрактури
- Долготрајно одење или стоење
- Топлина
- Дебелина
- Артритис
- Гихт
- Лимфедем
- Хемофилија
- Спондилитис
- Тениски лакт
- Кавасаки болест
- Синдром на карпален тунел
- Прееклампсија
- Бременост
- Згрутчување на крвта
- Болести на срцето
- Болести на црниот дроб
- Болести на бубрезите
- Лекови, за дијабетес, за висок крвен притисок, антидепресиви, бетаблокатори, кортикостериоди
