Американски научници откриле генетска варијација делумно одговорна за еректилната дисфункција, што во догледно време би можело да резултира со подобрување на лекувањето на оваа здравствена состојба кај мажите.
Според истражувањето објавено пред два дена во списанието на Американската академија за наука, на големиот синџир на човечката ДНК научниците детектирале посебно место на кое една генска варијација се поврзува со еректилната дисфункција.
„Кај мажите кои поседуваат една копија од оваа варијација за 26 % е зголемен ризикот од развој на еректилна дисфункција во однос на останатата машка популација, а кај групата која има две копии опасноста е поголема за 59 отсто“, вели авторот на студијата Ерик Јоргенсон.
Резултатите се темелат на податоците собрани од 36 649 пациенти на калифорниска непрофитна организација Kaiser Permanente. Во податоците од 2007 година кои се однесуваат на подрачје во САД, просечно од еректилна дисфункција пати секој петти маж, но бројот се зголемува со годините на живот.
За третина од ризикот од еректилна дисфункција одговорни се генетските фактори, а од тоа два проценти се однесуваат на генетската варијација што ја отрил Јоргенсон и неговите колеги. Научниците, при тоа потсетуваат дека за оваа состојба кај мажите може да влијаат и дебелината, дијабетесот и кардиоваскуларните болести.
„Расположливите начини на лекување на еректилната дисфункција не делуваат кај половината од нив, односно од оние кои се вклучени во лекувањето. Но, ако успееме да развиеме нови начини на третман кои ќе целат на генетската варијација и ним ќе можеме да им помогнеме“, истакнува Јоргенсон.
