Научниците веќе 100 години знаат дека инсулинот е главен за контрола на нивото на шеќерот во крвта, но сега откриле дека еден друг хормон исто така ја извршува истата работа малку поинаку и сметаат дека тој може да биде нова мета кај лекувањето на дијабетесот. Хормонот, наречен FGF1, се произведува во телесното масно ткиво. Како и инсулинот, брзо го намалува нивото на шеќерот во крвта, но делува независно од инсулинот со поинаков механизам.
Дијабетесот тип 2 се појавува кога телото станува отпорно на инсулин, што доведува до хронично високи нивоа на глукозата (шеќерот) во крвта. Со тек на времето тоа може да влијае на артериите и нервите, што доведува до компликации како болести на срцето и бубрезите, мозочен удар, проблеми со видот и трајно оштетување на нервите.
Во новата студија објавена во Cell Metabolism научниците откриле дека FGF1 го потиснува разградувањето на масното ткиво, што ја намалува способноста на црниот дроб да ја исфрли глукозата. Инсулинот исто така ги прави тие работи, но FGF1 тоа го прави по пат на поинаков сигнален пат во телото.
Исто така се покажало дека кај лабораториските глувци со инсулинска резистенција, инјекциите FGF1 значително го намалуваат нивото на шеќерот во крвта.
Останува отворено прашањето дали лицата кои се отпорни на инсулин се отпорни и на FGF1.
