Диетите кои имаат 40 % помалку калории од препорачаниот внес го намалуваат воспалението на мозочните клетки кај глувците и го одржуваат нивното мозочно ткиво. Ова е откриено од страна на истражувачи на Универзитетскиот медицински центар Гронинген во Холандија.
Стручњаците посебно ги набљудувале микроглија клетките кои се наоѓаат во мозокот и во ‘рбетот, а кои го одржуваат правилното функционирање на мозокот за органот да работи.
„Дебелината и стареењето преовладуваат и растат во општествата секаде во светот, но кои се нивните последици за централниот нервен систем не е доволно познато. Утврдивме дека исхраната со висока или ниска содржина на масти во комбинација со ограничени вежби и храна влијае на овие клетки во процесот на стареење кај глувците“, изјави д-р Барт Еген, водач на студијата.
Познато е дека инфламацијата во мозочните клетки е поврзана со болестите како што се мултиплекс склероза и деменција, па ова откритие може да се смета за многу значајно. Но, при тоа е откриена уште една интересна работа при ваквиот пристап. Овие глувци се хранети со исхрана ниска со масти во текот на целиот живот и не е јасно дали преминувањето на ваква исхрана би помогнала некому кој јадел масна храна пред тоа.
