Без разлика дали станува збор за грчеви во дното на стомакот, нагли промени на расположението, неконтролирана потреба за слатко или мачни главоболки, ПМС е дефинитивно најомразен период во месецот на секоја жена. Сепак, се чини, дека сите овие симптоми не паѓаат толку тешко ако не е присутна и главоболката.
Многу жени патат од силни мигренозни напади за време на ПМС, кои најчесто се предизвикани од промената на хормони во организмот и овие неподносливи главоболки обично исчезнуваат во вториот или третиот ден од циклусот. Најголема причина за овој вид главоболка е наглиот пад на количеството на естроген во крвта, непосредно пред почетокот на циклусот. Кога опаѓа нивото на естроген, се менува нашиот праг на толеранција на болката и стануваме почувствителни. Освен тоа падот на естроген влијае и на стеснувањето на крвните садови, што е уште една причина за силни мигрени во предменструалниот период. На овие главоболки обично им претходат симптоми како недостаток на сон и дехидратација на организмот. Ако сте личност склона на мигрени, лекарите тврдат дека имате 60 отсто шанси да патите и од предменструални мигренози напади.
Овие главоболки имаат распон на болката од блага до неиздржлива и обично зафаќаат една половина од главата, од каде потоа се шират на целата глава. Ако вашата мигрена кулминира, може да биде проследена со болка во желудникот и силна мачнина. Лекарите велат дека ако сте склони на мигрени, не постои начин во целост да ги одбегнете, но ако тие се врзани за менструалниот циклус, можете да ги предвидите и да се подготвите. Најдобар вид превенција е квалитетен и здрав сон, здрава храна богата со витамини и минерали и добра хидратација на организмот, што значи дека дневно мора да внесете барем 2 литри вода во организмот за да се окрепите.
Ако овие превентивни мерки не ја отстранат болката, би требало барем да ја ублажат, но ако и тоа не помага и мигрените стануваат се поболни, не одбегнувајте да го испиете препишаниот лек против болки бидејќи кулминацијата на мигрената може да доведе до мачнина и потполна дехидратација на организмот.
