Пред речиси една деценија во Њу Делхи е откриена таканаречена „супербактерија“, организам отпорен и на најсилни антибиотици, а која во индиската престолнина однела неколку десетици животи. Опасноста од оваа смртоносна бактерија не се намалува, а сега на удар е Италија.
Се работи за нов ген меѓу бактериите, која се пренесува исклучиво во болниците, а болните најчесто умираат од воспаление на белите дробови и инфекции на уринарниот тракт.
За се е виновен генот кој е наречен „Њу-Делхи-метало-бета-лактамаза“, скратено НДМ-1 (како што и е наречена оваа опасна бактерија). Се наоѓа во мали фрагменти на ДНК кои бактериите можат да ги разменуваат стекнувајќи нови особини. Како резултат на тоа со геометриска прогресија расте бројот на суперотпорни бактерии.
НДМ-1 бактериите ги напаѓаат дишните патишта, цревниот тракт, уринарниот и гениталниот систем, меките ткива, а отпорни се и на најсилни антибиотици, дури и на „карбапанеми“ – најсигурни антибиотици за многу инфекции.
Оваа смртоносна бактерија со текот на времето стигнала до Австралија, САД, Канада, а потоа и Европа каде е забележан голем број заболени, па и десетици смртни случаи.
Сега на удар е Италија и една и од нејзините најпопуларни туристички дестинации Тоскана. Од ноември 2018 до сега е забележан 31 смртен случај како резултат на инфекција со бактеријата НДМ-1.
Стручњаците велат дека смртноста на пациентите инфицирани со бактериите кои носат НДМ-1 е до 50 отсто. Сепак, се зависи од возраста на пациентите, имунитетот, но и квалитетот на медицинските услуги.
