Научниците идентификувале нова потенцијална терапија за КОВИД-19, а се работи за биолошка материја што ја создаваат модифицираните клетки на човечка кожа, пишува Science Daily.
Тие утврдиле дека споментата материја успеала да спречи SARS-CoV-2 вирусот кој ја предизивкува болеста КОВИД-19, сам да се репродуцира, а истовремено ги заштитила заразените клетки кога била тестирана на човечки белодробни клетки.
Иако истражувањата се во рана фаза, ова откритие отвора можност за нови терапии за пациентите заболени од КОВИД-19. Детали за истражувањето се објавени во списанието Biomaterials and Biosystems.
“Не изненади кога откривме дека оваа потенцијална терапија го стопира новиот пат за репликација на вирусот и истовремено ги штити инфицираните клетки“, вели главниот автор на студијата д-р Ахмед Ибрахим, доцент на Институтот Cedars-Sinai од Лос Анџелес.
Во моментов постојат неколку третмани за КОВИД-19, но сите првенствено се насочени на тоа да се спречи рамножувањето на вирусот.
Новиот потенцијален третман спречува репликација и истовремени го штити и подобрува зафатеното ткиво, што е важно бидејќи симптомите што се развиваат во случај за заболување со КОВИД-19 може да потраат уште долго по исчезнување на вирусната инфекција.
“Вирусите немаат сопствена машинерија која им овозможува продор во клетките, па затоа користат протеини“, појаснува д-р Ибрахим. “Веруваме дека целењето кон АСЕ протеините е само еден од начините на кој SARS-CoV-2 се инфилтрира во клеките, ги превзема нивните генетски информации и се реплицира во телото“.
